Nyere ndi ozo aka

Igbo ndi oma,ndewonu!. Ihe na eme na obodo Naijeria na agbagwoju anya nkw ukwu,akuko ka e si gbaa nwa nnunnu,nne ya efe,umunne o gwuru ike.Kama,asi m egbe bere ugo bere,nke si ibe ya ebela,biko nku kwakapu ya n’ike.

Nani akuko ndi mmadu kpu no onu ugbu a bu nke ihe isi ike.O kwa unu anula na ego ndi ogaranya mmadu ise nwere na Naijeria ezuola,ikpochapu ubiam n’ndu mmadu  otu nari,iri na abuo nde.I ba n’ime ahia,ihe i zuru izu uka gara aga etinyela ego.M wee na aju si,o bu gini kpatara onodu ojoo nke a n’obodo anyi.Umu mmadu enweghi kwa ike izuta ezigbo nri,o bu na di garri bu kwa zi nri ndi ogaranya,anu okuko,ji,osikapa,agwa ga a bu nno nri nani ndi eze ga na eri,ma o buru na ihe agbanweghi na atufughi oge.

Onye nwere nke o nwere nyere nwanne ya aka.Onye nwere mmiri biko gbanyere onye agbata obi gi ahu nwere iko ma o nweghi mmiri.Ka anyi leta ndi na enweghi ndi inye aka,ndi agadi,umu nwanyi ajadu,umuaka na enweghi nne ma o bu nna,ndi uwa na atu n’onu.O nweghi kwanu ihe eji uwa a eme.Ka Chineke onye ebere,na agba anyi ume ma were kwa ihe oma nile ji cho anyi mma n’aha Jisos Kristi,Amin.

Aha Igbo na omimi ha

Chiboanuozo!,Agamdodaigwe!,Ozoemena!,Ositadinma!Akobundu!,Igwebuike!

Ihuoma!,Ojinika!. Ihe  nile a bu aha ndi Igbo na aza.Aha ndi a nwere nkowa

di omimi.A ma m na mba nile nwere aha ha na agu umu ha ma na uche aka m,

aha ndi Igbo dikarisiri omimi,tumadi aha ndi gboo zara dika ufodu n’ime ndi m deputara.O bu kwa eziokwu na oge gara aga,ndi Igbo na enye umu ha aha

ubochi amuru ha dika Okonkwo,Mgbonkwo,Afor,Okereke,Orieji dgz. Ndi Igbo

na agunyere otu izu, mkpuru ubochi ano dika ahia ndi Igbo si azu ma rue taa.

Ka oge gasiri,aha ndi a bidoro gbanwewa,ndi Igbo ejighi kwa ike agu umu ha

aha ndi ahu e ji aha ahia akpo.Aha ufodu ebidoziri  na agu umuaka bu; Ogechukwu,chikodinaka,Daberechi,Chukwuemeka,Chinyere,Ngozichukwu,

Chukwudi,Eberechukwu,Chioma,Chinenyenwa,Kelechi dgz.  Aha ndi a mara

mma ma nwekwa nkowa di omimi.O doro anya na otutu ndi Igbo makuru Chukwu,legide ya anya dika onye na enye nwa. Mana i lee anya na ubochi

taa,i ga ahu na ndi Igbo na agu umu anyi aha m ga akpo aha ohuu di omimi

ma gosikwa nlekwasi anya n’Chineke,too uto n’onu ma da kwa ezigbo uda

n’nti dika :

Sochikanyima (Sochikaima)

Somtochukwu (Somto)

Chifurumnanya (Fumnanya)

Lenmachimnyerem (Lenma)

Nmasinachi (Nmasi)

Aha kariri mana ndi a ka m chetara.O buru na o nwere ndi nke i ma,biko

dee ha ka anyi muru na ihe oma amaka. Ndewonu!

Onwu di njo!

Umunne m na umunna m,ejichaghi m onwe m aka.Ihe ngbowa obi mere m.Ezi nne m,oyoyo m,Nwanyieze,Nwanyi ka dike,hapuru na oke mgberede n’ime afo ohuru a.O riri m onu,ju m anya,mana rue ugbu a,o kwebeghi m nghota ka onye dika mama m,onye mma na ike zuru ahu jiri nwuchuo onwu.

I ji kwuo eziokwu,onwu nne kacha afu ufu.Onwu di njo!Onwu jogburu onwe ya,onwu amaghi ihe!.Ya mere ka anyi kwado onwe anyi maka onwu adighi ezite ozi tupu o bia.Onye ukwu na anwu,onye nta na anwukwa.Onwu ajoka!.Ekpere m bu ka Chineke nna bi n’eluigwe nye anyi ike na amara i ji ruo uju,ghara i dika ndi na enweghi olileanya ma tukwasi ya obi mgbe nile n’ihi na o bu nani n’ime Chineke ka ndu foduru anyi.

Onwa Jenuari,2017 biko buru akuko ojoo na nmekpa ahu gi laa.Ka onwa dika gi ghara izute anyi ozo.Ka onwa Jenuari ndi n’abia n’ihu buru anyi onwa onu na afo ojuju n’aha Jisos Kristi bu onye nwe anyi,Amin.

Afo ohuu nno!

celebration

Igbo ndi oma,ndi nwe mmadu,ndi nma zuru ahu. O bu obi anuri na afo ojuju ka m ji na anabata unu n’ime afo 2017 a.Ekpere m nani bu ka afo a mara anyi nma n’aha Jisos onye nwe anyi.Amin.

A chokwara m i ji ohere a rio umu afo Igbo nile ka onye o bula jisie ike n’oru.Igba mbo bu kwanu ejiri mara ndi Igbo.Ngbanwe oma nile anyi na acho di n’ime anyi.Ka anyi jisie ike leruo anya n’ime onwe anyi ma weputa onyinye amara nile Chineke jiri choo anyi nma.Ka ndi agbata obi anyi hu idi nma n’ezie ni’ime anyi n’ime afo ohuu a.Ka anyi buru n’ezie ndi na agbaso ezi ihe ma kpokwa ajoo ihe asi.Kwenu umunne m ka ihunanya na udo chia achia n’obi anyi ,ezi n’ulo,ulo oru anyi,ebe anyi na azu ahia,ebe anyi na agu akwukwo, n’obodo anyi, ala anyi Naijiria,n’ezie n’uwa nke a anyi bi n’ime ya.

Mgbe anyi na eme nke a ka anuri na enweghi ogwugwu buru oke anyi nile.Udo diri unu ndi oma.

Igbo enweghi eze!

Igbo enweghi eze bu okwu mpako,hoha!.Mpako bu mmadu i buli onwe ya elu.Mpako na ebute i leda mmadu ibe gi anya ma o bu kwanu i kpo mmadu ibe gi ihe efu.Ozo,mpako na ebute oke ochicho i ji zaa o chiri ozuo. Nke a jogburu onwe ya.I lee anya na ala Igbo taa,i ga ahu na otutu umu okorobia na umu agboghobia anyi e jila ndu o loro ohuru ,”i dika ibe” wee tinye onwe ha n’onodu nmekpa ahu kariri akari.

A si na Igbo enweghi eze,nke o kwesiri i butara anyi afo ojuju ka o bu ndu ihe efu.I si na otu ndi enweghi eze na achikota ha,n’uche aka m,abughi ezi ihe.Site na mbu ka eze ji wee diri na uwa.O dika ezi n’ulo enweghi nne na nna ma o bu otu na enweghi onye isi,otu o bula i siri tulee ya,o dighi mma.Mba o bula kwesiri inwe onye nchikota,onye isi,onye ndi obodo na egere nti.o bu kwa nu ihe itunanya na Igbo nile enweghi otu olu?Onye o bula bu eze nke aka ya. Mpako we buru usoro ndu ndi Igbo,na aza eze onye agwala m okwu. Bikonu Igbo ndi oma,o ruola mgbe anyi ga eleba anya n’okwu a.Usoro a adighi mma.

Ndi Igbo bu kwanu ndi agoziri agozi,ndi Chineke choro mma puru iche,ndi amamihe zuru ahu,mana anyi ewerela oke mpako wee mebie onyinye amara nile Chineke nyere anyi.Akwukwo nso gwara anyi si:O buru n’iweda onwe gi ala,Chineke ga ebuli gi elu.Ozo kwa;Iwe Chineke nokwasiri n’ahu ndi mpako.O ga abu na iwe Chineke di oku n’ebe ndi Igbo no?Amaghi m asisa ajuju a mana ihe m ma bu na o buru na anyi ewetuo onwe anyi na ala,Chineke ga ebuli anyi elu.Ndi Igbo bu kwanu uburu na igwe ji oganihu na aku  Naijiria. Mpako emela ka umu Igbo na amanye aka n’ihe ojoo digasi iche iche.I lee na ndi na ebu ogwu iwu obodo megidere,ndi na emeputa mmanya na umu ihe ndi ozo na enweghi ihu,o bu ndi Igbo,ndi ntoo mmadu,ndi ogwu ego,ndi akwuna,ndi na ere umu amuru ohuu,o busi ndi igbo kwu n’azu ihe ojoo nile a.

Ndi Igbo wepunu aka enwe n’ofe tupu o gho aka mmadu.Ka anyi werenu onyinye amamihe anyi mee ezi ihe.Ufodu umu Igbo no n’Aba na agba mbo imeputa otutu ihe ndi di mma dika uwe,akpo ukwu na ihe ndi ozo.Ndi Igbo na agba mbo.Ka anyi gbanu ezi mbo,ju ekwensu na olu ya nile.O cho ihe ukwu ga anya aba enyi!Okuko nti ike ga anu ihe n’ite ofe. Chetakwanu na mpako buru uzo,odida esoro ya.Udo diri unu!

I di n’otu

Igbo nmanma nu ooo. Umunne m biko nu,ka anyi tinyetu kwanu onu n’ihe gbasara idi n’otu n’ala Igbo.I legharia anya n’ala Igbo,o ga edo gi anya na idi n’otu,udo na otu obi agbafuola na ala Igbo. Oge m di na nwata,anyi na akpaghari  ka o siri masi anyi n’ime obodo.I banye n’ulo onye agbata obi gi,i rijuoro onwe gi afo,dina ala rahu ura ma icho,gi na umuaka ibe gi egwuria egwu,gba egwu onwa,uwa wee na aga siriri werere.

Mana egwu agbanwela,n’eziokwu enweghi m ike izoro ukwu banye n’ulo onye agbata obi m dika n’mbu,nodu ala,nuo mmiri ma o bu rie nri.Ihe nke a jogburu onwe ya.Oke ihe ojoo abatala n’etiti anyi.I ga anu akuko di iche iche i nweghi ike ikwu chi m na ala kpaa isi okwu ha mana akuko ndi a bu ya wetara iro n’etiti ndi Igbo.Otutu ihe emebiela,okenye enweghi kwa ike i bara nwatakiri mba nkiti,i nweghi di ike ikele ekele,ahapu iko ka amusu si ,si na ekele gi ahu aru oru ya.Ihe nke a juru m anya,tuo m n’anya mana na agbowa m obi. Onodu anyi adighi nma ma otu.Kedu ihe emere ihe nke a umunnne m.Biko gi nwa afo Igbo tinye onu na okwu a ka anyi choputa ogwu oria nke a na acho ikpochapu mba Igbo nile.

Onye ma ihe anyi nwere ike ime i ji gbanwee o biara ohuu nke a ,biko kowaputara anyi n’ebe a.Igbo ndi nwe mmadu,o gwucha kwa ka o ha m n’onu.Ndeewonu!