Umu Igbo Kwenu!

Advertisements

Biafra:Igbo o di njikere?

Anyi choro Biafra!Anyi choro nwere onwe!Anyi choro nketa mara anyi aka! I si m kwuo,ochicho ndi a magburu onwe ha kama ajuju m bu,anyi bu ndi Igbo o di njikere i nwere onwe anyi?A si kwanu na anyi di njikere,kedu ihe mere ihe isi ike ji karia n’ala Igbo.Kedu ihe kpatara ndi ndu anyi ka ha bu ndi ochichi n’ala Igbo ji adola anyi nani azu?Unwu,umu npiapia oria,ori,ito mmadu,aka azu na kwa mpu di iche iche juputara n’ala Igbo nile.O bu naani mgbe Biafra biara ka anyi ga amuta ihe di mma na ihe kwesiri ekwesi.

N’eziokwu,eweli kwara m nwa nwoke a na akpo Nnamdi Kalu aka elu ka o si kwuru chim,nogidesiekwa ike na okwukwe Biafra ya.O nweghi ihe di njo na mmadu ma o bu otu ndi choro ihe nketa ha.O maka nu mana a ga esi ebe nweta ndi ga edu Biafra ka o bu nno aha anyi gbanwe,anyi agbanwe kwa?

N’ezie ekewapuru ndi Igbo n’otutu ihe na obodo Naijeria mana o bu nani mgbe ndi Igbo nwere ihunanya na idi n’otu ka anyi ga enwere onwe anyi n’ezie.Ndi ndu anyi bu nsogbu anyi nwere na ala Igbo,hoha!Ndi Igbo tetanu n’ura!

Ndewonu!

O tela ezigbo aka m dere ihe o bula ebe a.O kwa nu ka o si diri m umunne m.A muru m nwa ohuu,n’ezie o dighi kwanu ufele mana Chineke mere onwe ya aha.Unu emela m na anya ebe o di ukwu.E ji m n’aka na Olisa bi na igwe na echekwa unu dika m si rio ya.

Akuko gbasara ndi Igbo bu ihe mmadu dum na ako maka ya na Naijeria.Biafra!.Ka m jukwa umu nne m,I chere na ndi Igbo di njikere inwere onwe ha?Biko zaa m ajuju a ka m biakwa…Udo!

Nyere ndi ozo aka

Igbo ndi oma,ndewonu!. Ihe na eme na obodo Naijeria na agbagwoju anya nkw ukwu,akuko ka e si gbaa nwa nnunnu,nne ya efe,umunne o gwuru ike.Kama,asi m egbe bere ugo bere,nke si ibe ya ebela,biko nku kwakapu ya n’ike.

Nani akuko ndi mmadu kpu no onu ugbu a bu nke ihe isi ike.O kwa unu anula na ego ndi ogaranya mmadu ise nwere na Naijeria ezuola,ikpochapu ubiam n’ndu mmadu  otu nari,iri na abuo nde.I ba n’ime ahia,ihe i zuru izu uka gara aga etinyela ego.M wee na aju si,o bu gini kpatara onodu ojoo nke a n’obodo anyi.Umu mmadu enweghi kwa ike izuta ezigbo nri,o bu na di garri bu kwa zi nri ndi ogaranya,anu okuko,ji,osikapa,agwa ga a bu nno nri nani ndi eze ga na eri,ma o buru na ihe agbanweghi na atufughi oge.

Onye nwere nke o nwere nyere nwanne ya aka.Onye nwere mmiri biko gbanyere onye agbata obi gi ahu nwere iko ma o nweghi mmiri.Ka anyi leta ndi na enweghi ndi inye aka,ndi agadi,umu nwanyi ajadu,umuaka na enweghi nne ma o bu nna,ndi uwa na atu n’onu.O nweghi kwanu ihe eji uwa a eme.Ka Chineke onye ebere,na agba anyi ume ma were kwa ihe oma nile ji cho anyi mma n’aha Jisos Kristi,Amin.

Aha Igbo na omimi ha

Chiboanuozo!,Agamdodaigwe!,Ozoemena!,Ositadinma!Akobundu!,Igwebuike!

Ihuoma!,Ojinika!. Ihe  nile a bu aha ndi Igbo na aza.Aha ndi a nwere nkowa

di omimi.A ma m na mba nile nwere aha ha na agu umu ha ma na uche aka m,

aha ndi Igbo dikarisiri omimi,tumadi aha ndi gboo zara dika ufodu n’ime ndi m deputara.O bu kwa eziokwu na oge gara aga,ndi Igbo na enye umu ha aha

ubochi amuru ha dika Okonkwo,Mgbonkwo,Afor,Okereke,Orieji dgz. Ndi Igbo

na agunyere otu izu, mkpuru ubochi ano dika ahia ndi Igbo si azu ma rue taa.

Ka oge gasiri,aha ndi a bidoro gbanwewa,ndi Igbo ejighi kwa ike agu umu ha

aha ndi ahu e ji aha ahia akpo.Aha ufodu ebidoziri  na agu umuaka bu; Ogechukwu,chikodinaka,Daberechi,Chukwuemeka,Chinyere,Ngozichukwu,

Chukwudi,Eberechukwu,Chioma,Chinenyenwa,Kelechi dgz.  Aha ndi a mara

mma ma nwekwa nkowa di omimi.O doro anya na otutu ndi Igbo makuru Chukwu,legide ya anya dika onye na enye nwa. Mana i lee anya na ubochi

taa,i ga ahu na ndi Igbo na agu umu anyi aha m ga akpo aha ohuu di omimi

ma gosikwa nlekwasi anya n’Chineke,too uto n’onu ma da kwa ezigbo uda

n’nti dika :

Sochikanyima (Sochikaima)

Somtochukwu (Somto)

Chifurumnanya (Fumnanya)

Lenmachimnyerem (Lenma)

Nmasinachi (Nmasi)

Aha kariri mana ndi a ka m chetara.O buru na o nwere ndi nke i ma,biko

dee ha ka anyi muru na ihe oma amaka. Ndewonu!

Onwu di njo!

Umunne m na umunna m,ejichaghi m onwe m aka.Ihe ngbowa obi mere m.Ezi nne m,oyoyo m,Nwanyieze,Nwanyi ka dike,hapuru na oke mgberede n’ime afo ohuru a.O riri m onu,ju m anya,mana rue ugbu a,o kwebeghi m nghota ka onye dika mama m,onye mma na ike zuru ahu jiri nwuchuo onwu.

I ji kwuo eziokwu,onwu nne kacha afu ufu.Onwu di njo!Onwu jogburu onwe ya,onwu amaghi ihe!.Ya mere ka anyi kwado onwe anyi maka onwu adighi ezite ozi tupu o bia.Onye ukwu na anwu,onye nta na anwukwa.Onwu ajoka!.Ekpere m bu ka Chineke nna bi n’eluigwe nye anyi ike na amara i ji ruo uju,ghara i dika ndi na enweghi olileanya ma tukwasi ya obi mgbe nile n’ihi na o bu nani n’ime Chineke ka ndu foduru anyi.

Onwa Jenuari,2017 biko buru akuko ojoo na nmekpa ahu gi laa.Ka onwa dika gi ghara izute anyi ozo.Ka onwa Jenuari ndi n’abia n’ihu buru anyi onwa onu na afo ojuju n’aha Jisos Kristi bu onye nwe anyi,Amin.

Afo ohuu nno!

celebration

Igbo ndi oma,ndi nwe mmadu,ndi nma zuru ahu. O bu obi anuri na afo ojuju ka m ji na anabata unu n’ime afo 2017 a.Ekpere m nani bu ka afo a mara anyi nma n’aha Jisos onye nwe anyi.Amin.

A chokwara m i ji ohere a rio umu afo Igbo nile ka onye o bula jisie ike n’oru.Igba mbo bu kwanu ejiri mara ndi Igbo.Ngbanwe oma nile anyi na acho di n’ime anyi.Ka anyi jisie ike leruo anya n’ime onwe anyi ma weputa onyinye amara nile Chineke jiri choo anyi nma.Ka ndi agbata obi anyi hu idi nma n’ezie ni’ime anyi n’ime afo ohuu a.Ka anyi buru n’ezie ndi na agbaso ezi ihe ma kpokwa ajoo ihe asi.Kwenu umunne m ka ihunanya na udo chia achia n’obi anyi ,ezi n’ulo,ulo oru anyi,ebe anyi na azu ahia,ebe anyi na agu akwukwo, n’obodo anyi, ala anyi Naijiria,n’ezie n’uwa nke a anyi bi n’ime ya.

Mgbe anyi na eme nke a ka anuri na enweghi ogwugwu buru oke anyi nile.Udo diri unu ndi oma.